తెలుగు సామెతలు – 2

1. చెప్పుడు మాటలకన్నా తప్పుడు మాటలు నయం.
2. చెరకురసము కన్నా చెలిమాట తీపిరా.
3. చెరుకా! బెల్లం పెట్టమంటే పెడుతుందా?
4. చెరువు ఎండితే చేపలు బయట పడతాయి.
5. చెలిమితో చేదు తినిపించవచ్చు కానీ బలిమి తో పాలు తాగించలేము.
6. చేసిన పాపం గోచీలో పెట్టుకొని కాశీకి పోయినా తీరదు, కాటికి పోయినా తీరదు.
7. రాగల శని రామేశ్వరం వెళ్ళినా తప్పదు.
8. రాగి పోగులు తగిలించుకున్నావేమిరా? అంటే నీకు అవి కూడా లేవు కదా అన్నాడట.
9. పతిభక్తి చూపిస్తాను మగడా!,చెప్పులుతే, నిప్పులు తొక్కుతాను అందిట.
10. ప్రదక్షిణలు చేస్తే పిల్లలు పుడతారంటే చుట్టుచుట్టుకీ కడుపు చూసుకునేదట.
11. పని అంటే ఒళ్ళుమంట, తినడమంటే ఇష్టమంట.
12. పరుగెత్తేవాణ్ణి చూస్తే తరిమేవాడికి లోకువ.
13. పగవాడ్ని పంచాంగమడిగితే మధ్యాహ్నానికి మరణమన్నాడట.
14. పాడువూళ్ళో పొగిడేవారు లేరు, నన్ను నేనే పొగుడుకుంటా అన్నట్టు.
15. పనిచెయ్యని వానికి ప్రగల్భాలెక్కువ.
16. మీద మెరుగులు, లోన పురుగులు.
17. మీ ఇంట్లో తిని మా ఇంట్లో చెయ్యి కడుక్కోమన్నట్టు.
18. మా తాతలు నేతులు తాగారు, మా మూతులు వాసన చూడండి అన్నట్టు.

ఈ శీర్షిక లో దీనికి ముందు రాసినది ఈ కింద లింక్ ద్వారా చదవచ్చు:

https://telugumaata.in/2024/10/03/telugu-haasya-saamethalu-2/