ఈ శీర్షిక యొక్క మొదటి భాగం ఈ కింద లింక్ ద్వారా చదవచ్చు.
https://telugumaata.in/2024/09/17/telugu-haasya-saamethalu/
1. టెంకాయ చెట్టు ఎందుకెక్కినావురా అంటే దూడగడ్డికి అన్నాడట
2. తడిక లేని ఇంట్లోకి కుక్క దూరినట్టు
3. విసర్రాయే గాలికి కొట్టుకుపోతుంటే విస్తరాకు సంగతి చెప్పాలా?
4.మా ఇంటాయనకి ఎంత మతిమరుపంటే నీళ్ళలో పడి ఈదడం మర్చిపోయాడు.
5. పంచ పాండవులంటే నాకు తెలియదా? మంచం కోళ్ళ వలె ముగ్గురు అని రెండు వేళ్ళు చూపించి ఒకటి మడిచాడట.
6. అడవి పంది చేను మేసి పోతే ఊర పంది చెవులు కోసినట్టు.
7. అత్తకు లేక అటుకులు నాకుతుంటే అల్లుడు వచ్చి దసరా పండుగ అన్నాడట.
8. ఇల్లు కాలి ఇల్లాలు ఏడుస్తుంటే బొగ్గుల వ్యాపారి బేరానికి వచ్చాడట.
9. ఎద్దులాగున్నావు తేలు మంత్రం ఎరుగవా అన్నాడట.
10. ఎందుకు ఏడుస్తున్నావురా కొడకా అంటే ఎల్లుండి మా అమ్మ కొడుతుందని అన్నాడట.
11. నాన్పుడు గాడు నా పెళ్ళికి నేను వెళ్ళాలా అడిగాడట.
12. నా చెయ్యి నొస్తున్నది, నీ చేత్తో మొత్తుకో (మొట్టికాయలు).
13. నాకింత గంజి పోస్తావా నీకు ఆకలి లేకుండా చేస్తా అన్నాడట.
14. దొంగకు తలుపు తీసి దొరను లేపే వాడు.
15. జీతం లేకుండా తోడేలు గొఱ్ఱెలు కాస్తా అనిందట.
Telugu Maata 